Article Summary
Díli, 08/08/2025 - Ekipa Integradu operasionál AIFAESA ne’ebé lidera hosi Diretór DMP no Diretór DPORAL, halo inspesaun ba Tallo/ fatin fa'an Naan iha Merkadu tradisional Taibesi no Ponte Maloa, hodi haree ba kondisaun ekipamentus sasukat (Dasin) sira ne'ebé uza hodi tetu Naan.
Objetivu prinsipál hosi intervensaun ne'e hodi halo prevensaun ba ekipamentus sasukat (Dasin), ne'ebé Operadór ekonómiku sira utiliza hodi tetu Naan, nune'e labele halo manipulasaun kilograma ba Konsumidor sira bainhira ba halo kompra.
Okaziaun ne'e ekipa inspesiona fatin fa'an naan hamutuk sanulu resin ida (11), hosi fatin sanulu resin ida (11) refere utiliza ekipamentus sasukat (Dasin) hamutuk sanulu resin hitu (17), kondisaun dasin sanulu resin rua (12) mak ho kondisaun di'ak, enkuantu lima (5) seluk kondisaun ladi'ak, nune'e negosiante entrega voluntáriamente ba Inspetóres AIFAESA.
Entretantu atividade operasionál ne’e, akompaña hosi Média Nasionál sira, no apoiu seguransa hosi PNTL Munisipiu Díli.
Média - Ekipa SIP
SIP/AIFAESA.
Start typing your article content here...