Article Summary
Manatuto, 19/09/2025 - Sexta-feira ne’e, ekipa operasionál ne'ebé halo inspesaun no fiskalizasaun iha Munisípiu Manatuto, kompostu husi DO, DMP no DPORAL iha Postu Administrativu tolu (3) hanesan, Postu Laleia, Soibada no Manatuto Vila. Kontinua halo inspesaun iha Postu Manatuto Vila nu'udar loron ikus ba atividade Operasionál tuir planu ne'ebé iha.
Prezensa AIFAESA nian durante semana ida iha Munisípiu Manatuto, konsege inspesiona estabelesimentu hamutuk atus ida ha'at (104). Husi total refere ekipa prosesa Loja ida ho inisiál T.M.D.X., tanba nafatin fa'an produtu expiradu hanesan "Masako" ho data expiradu 05.07.2025.
Hafoin halo kontrolu ba estabelesimentu remata, ekipa halo kedas destroisaun ba produtu alimentár no la'os alimentár ne'ebé expiradu, estragadus no sigaru ilegál sira, hetan partisipasaun maximu husi PNTL Eskuarda Adrião H. da Silva no Xefe Departamentu Jestaun Merkadu Sales Luis, hahú husi prosesu inspesaun to'o remata halo destroisaun.
Atividade ne'e, lidera husi Diretór Metrolojia no Padronizasaun João Cancio Morato.
Média - Dopy
SIP/AIFAESA.
Start typing your article content here...