Article Summary
Viqueque, 18/09/2025 - Reprezenta Inspetóra Jerál AIFAESA, Dr. Anosio Araujo, atual hanesan Diretór Departamentu Assuntus Jurídiku no Kontraordenasaun (DAJK), hala’o enkontru kona-bá liña koordenasaun servisu ho Autoridade Munisipál Munisípiu Viqueque, iha Salaun CNE, Munisípiu refere.
Dr. Anosio Araujo hateten objetivu prinsipál ita hotu servisu hamutuk atu garante seguransa ai-han ne'ebé di'ak ba konsumidóres iha Munisípiu Viqueque no teritóriu Timor-Leste laran tomak.
Prezidenti Autoridade Munisipál Viqueque, Sr. Francisco C. S. de Gonzaga Soares, iha abertura hateten agradese no Bemvindu mai AIFAESA bele marka prezensa nomós halo inspesaun ba fatin balun. AIFAESA nia prezensa importante tebes tanba bele partilla no fó hanoin mai Autoridade sira para labele viola buat ne'ebé lei hatur ona. "Hau hakarak ita nia povu tenki moris saúdavel, tenki trata ita nia saúde ho diak para labele hetan moras oin-oin", haktuir PAM.
Enkontru ne'e iha mós aprezentasaun matéria hosi Diretór DAJK, Dr. Anosio Araújo kona-bá papél AIFAESA nian, no modera hosi Diretór Jestaun Merkadu Munisípiu Viqueque Sr. Vasco Nunes.
Atividade ne'e hetan partisipasaun másimu hosi Autoridade Munisipál Munisípiu Viqueque, inklui funsionáriu AIFAESA .
Média - GXG
SIP/AIFAESA.
Start typing your article content here...