Article Summary
Enter a brief excerpt for your article...
Díli, 17/09/2025 - AIFAESA reprezenta husi Diretór DPORAL Ângelo Edmundo Belo, hetan entrevista husi média Rádiu Televizaun Timor-Leste (RTTL) kona-ba produtu Ice-Cream ne’ebé hakerek uza liafuan tolok. Entrevista ne’e hala’o iha sala diretór nian Matadoru, kuarta óhin.
Nune’e, diretór DPORAL kontinua fahe informasaun kona-ba atuasaun AIFAESA nian ne’ebé mak konsege halo selajen ba produtu husi empreza refere ho inisiál “K”, lokaliza iha Comoro, hafoin halo kedas destroisaun ba produtu Ice Cream ne’e hamutuk kaixa rihun rua resin (2000-resin) iha lixeira Tibar.
Enkuantu, AIFAESA mós bolu atensaun ba empreza distributór ba Ice-cream ne’e atu bele dada hikas produtu refere iha sira nia kliente ne’ebé sira distribui ba.
Lideransa DPORAL haforsa katak, empreza ne’e mós kompromete atu la hatama tan produtu ho liafuan sira hanesan ne’e. Entretantu, diretór Ângelo E. Belo fó hanoin nafatin ba entidades relevantes, liu-liu iha pontu entrada sira, atu bele kontrola másima ba sasan sira tama mai, nune’e bele prevene antes produtu sira ne’e tama iha merkadu.
Média - FL
SIP/AIFAESA.