Article Summary
Díli, 05/09/2025 - Tama Loron datoluk, Ekipa Operasionál Integradu AIFAESA, kontinua hala'o Divulgasaun informasaun ba negósiante dalan ninin sira ne'ebé nafatin fa'an Tabaku Ilísitiu, iha Kapital Díli.
Divulgasaun ne'e ekipa halo ba iha área sira indentifikadu iha Kapital Díli, hanesan Kaikoli, Audian, Bemori, Kuluhun, Bairu-Pite, Delta no Aimutin.
Maneira divulgasaun ne'ebé AIFAESA hala'o, hodi hakbesik a'an ba negósiante sira hodi distribui Brosura no halo esplikasaun kona-bá DL nº14/2016, Rejime Kontrolu Tabaku, ne'ebe bandu atu fa'an sigaru ilísitiu no sigaru lolon.
AIFAESA husu ba negósiante sira halo tuir ba informasaun ne'ebé sira simu ona, bainhira kontinua fa'an/ la komprimenta maka AIFAESA sei foti asaun hodi halo apreensaun ba produtu ilísitiu sira.
Média - Ekipa SIP
SIP/AIFAESA.
Start typing your article content here...