Article Summary
Dili, 13/09/2025 - Vendedór ambulante ai-han sira iha papél importante iha ema nia moris lor-loron, ema barak depende ba sira hetan ai-han ho fasil no lalais bainhira okupadu no labele tein. Tanba ne’e ijiene iha preparasaun fa'an hahán ne’e importante tebes. Vendedór ambulante ai-han sira la'os deit mantein imajen negósiu nian, maibé mós tenki garante katak konsumidór sira nia saúde ho hahán ne'ebé saudável.
Ekipa integradu husu ba vendedór ambulante sira atu fa’an ai-han ne'ebé moos asegura fatin negósiu nia sempre moos no livre hosi fo'er, uza roupa apropriadu hanesan avental, taka ulun, no uza luvas bainhira kaer hahán. Sasan tunu nian no kontentór hahán nian tenki hamoos bebeik atu nune’e prevene hosi mikrobiu sira iha fatin refere.
Aleinde ida ne’e, fa'an nain sira mós tenki uza matéria prima ne'ebé fresku no moos, na'an no ikan sira fase didi'ak molok tunu, uza bee moos hodi tein no fase liman. Lixu sira soe ba lixu fatin sira ne'ebé taka no la husik atu halibur iha tenda nia laran ou pátiu.
Tama ba loron ikus divulgasaun informasaun ba negósiante ambulante sira iha Postu Administrativu ha'at (4), Munisípiu Dili nian, ekipa integradu parte loron nian kobre vendedór ambulante hamutuk 164 durante loron tolu (3), nia laran hosi segunda feira to'o kuarta feira.
Média - Ekipa SIP
SIP/AIFAESA.
Start typing your article content here...