Article Summary
Díli, 03/09/2025 - AIFAESA, alende halo inspesaun no fiskalizasaun ba operadór ekonomiku sira, au mezmu tempu realiza mós enkontru kordenasaun ho Empreza produsaun be'e hemu (botir no galon) ne'ebé produz iha rai-laran. Reuniaun ne'e hala'o iha Salaun enkontru AIFAESA, Matadouru.
Objetivu hosi sorumutu ne'e, atu fahe informasaun kona-bá padraun kualidade be'e hemu ne'ebé aplikavel iha Timor-Leste tuir enkuadramentu legál nasionál (DL 05/2009) nomós promove konsiénsia públika kona-ba importánsia hosi teste kualidade liuhosi laboratóriu akreditadu sira hanesan prova, konformidade no transparénsia ba konsumidór sira.
Iha tempu hanesan Diretór DPORAL Ângelo Edmundo Belo, halo mós aprezentasaun Dekretu-Lei nú. 5/2009, kona-bá Regulamentu sira kona-bá lisensiamentu, komersiu no kualidade be'e hemu ni'an.
Entretantu, iha sorumutu ne'e akompaña hosi Assesora Dra. Josefina Clarinha João, Diretóra Departamentu Operasaun, Claudinha Soares, nomós hetan partisipasaun masimu hosi produtór be'e hemu hosi Leste Water, Top Fresh, Aqua Fresca, Iramor, Gota, Vip Water, AquaFu, Cool no TEDBA Aqua, Lda.
Média - JcGon/RL
SIP/AIFAESA.
Start typing your article content here...