Article Summary
Dili, 11/08/2025 - Iha Kapitál Dili vendedór ki'ik barak mak hili fa'an hahán iha estrada ninin hodi buka osan rasik, liuhosi fa'an etu, tunu sate, aifuan malirin (es buah), no seluk-seluk tan.
Inspetóra Jerál AIFAESA Dra. Odete da Silva Viegas, Dermatologista, hateten "ekipa AIFAESA halo inspesaun hahú uluk ho sosializasaun no divulgasaun informasaun kona-bá oinsa preparasaun ai-han ne'ebé mak moos, antes fornese ba konsumidóres, bainhira AIFAESA tun halo inspesaun fali, negosiantes sira la kumpri kriteria hirak ne'e maka sei selu multa".
Aliende ne'e ekipa tékniku sira husu ba negosiante ambulante sira atu trata dokumentus lisensa negosiu nian hanesan SERVE kodigu 478, rejistu ba jestaun merkadu nomós informa ba Seguransa Alimentár Munisípiu Dili nian. Nune’e mós informasaun ne'ebé ekipa divulga mak hanesan kuidadu ijiene ba fatin fa'an no prepara ai-han, ijiene ba pessoal tenki uza luvas, masker, xapeu, prepara fatin lixu, labele uza produtu expiradu, estragadus no dodok. Ai-han ne'ebé tasak no prontu atu fa'an tenki taka estoples matan nomós taka hena hodi hadok hosi rai rahun ou foer.
Atividade refere hala'o ba negosiante ambulante sira iha Postu Administrativu ha'at (4), mak hanesan Dom Aleixo ho total 23, Vera Cruz ho total 14, Nain Feto ho total 15, no Cristo Rei ho total 20.
Média - Ekipa SIP
SIP/AIFAESA.
Start typing your article content here...