Article Summary
Covalima, 27/08/2025 - AIFAESA liu hosi Fiskál Uniku Sr. Salvador da Cruz no Diretóra Operasionál hamutuk ho ekipa, halo divulgasaun ba operadór ekonómiku sira iha Munisípiu Covalima.
Divulgasaun ne’e ho tema “HASA’E OPERADÓR EKONÓMIKU NIA KUÑESIMENTU HODI HALA’O ATIVIDADE KOMERSIÁL TUIR REGULAMENTU”.
Nune’e, Fiskal úniku ne’ebé reprezenta Inspetóra Jerál hato’o Bemvindu ba autoridade munisipiu sira inklui operadór ekonómiku hotu ne'ebé marka prezensa no kumpri ba konvite ne’ebé distribui, atu bele partilla hamutuk informasaun sira liga ho servisu AIFAESA nian iha área inspesaun no fiskalizasaun. Tanba haree mós ba Covalima ne’ebe mak liga ho fronteira, oinsá presiza kontrola másimu sasan sira ne’ebe tama mai.
Iha biban ne’e Sekretáriu munisipiu reprezenta Presidente Autoridade Covalima, hato’o
Agradese mos mai AIFAESA nebe ho inisiativa diak devulga informasaun kona-bá inspesaun Fiskalizasaun ba negósiante sira iha Suai.
Entretantu, oradores ba devulgasaun ne’e mak hanesan Diretóra Operasionál AIFAESA Claudinha Soares Pinto, ko'alia kona-bá servisu departamentu operasaun no DPORAL nian, enkuantu tékniku Tito Ximenes halo aprezentasaun kona-bá kompeténsia no serbisu Departamentu Metrolojia no Padronizasaun. Husi parte externu nian mai husi SERVE ne'ebé aprezenta husi Diretór SERVE Covalima nian kona-bá Lisensamentu Komersiál, nune’e mós
Diretór Jestaun Merkadu ko'alia kona-bá sira nia kontrolu ba iha atividade Merkadu.
Media - JO
SIP/AIFAESA.
Start typing your article content here...