Article Summary
Díli, 09/05/2025 - " Firme iha kna'ar, haraik-an iha servisu, proteje saúde iha komérsiu justu, loron ba loron" hanesan lema ba atividade inagurasaun Cobe House iha iha resintu AIFAESA,IP Matadouro, Díli.
Seremónia ne'e, lidera hosi Inspetóra Jerál AIFAESA IP, Dra. Odete da Silva Viegas, Dermatologista, ho ajenda mak hanesan inagurasaun ba Cobe House, Inagurasaun ba Plaka AIFAESA, kuda ai-oan, fó bensaun ba edifisiu foun Cobe House, lansamentu website ofisiál AIFAESA nomós atribui serfikasaun apresiasaun ba funsionáriu AIFAESA nian.
Iha tempu hanesan, lider masimu AIFAESA, iha nia diskursu ho onra bo'ot hato'o agradesimentu ba S.E., Vise-Primeiru Ministru, no Ministru
Koordenadór Assuntus Ekonómiku no Ministru Turizmu no Ambiente Francisco Kalbuadi Lay, no Vise Parlamentu Nasionál nomós agradese ba instituisaun relevante sira governu no setór privadu sira ne'ebé apoiu servisu ekstraordináriu AIFAESA nian.
iha ambitu diskursu Sua Exélensia Vise-Primeiru Ministru, no Ministru Koordenadór Assuntus Ekonómiku no Ministru Turizmu no Ambiente Francisco Kalbuadi Lay, hato'o parabéns ba ekipa tomak AIFAESA nian ne'ebé hala'o servisu furak no kapas teb-tebes. AIFAESA mós hetan parabéns hosi Governu, komunidade no internasionál. Exélensia mós fó hanoin ba AIFAESA nafatin servisu tuir Lei no regulamentu ne'ebé mak iha, AIFAESA mós sai hanesan xavi tama ba ASEAN.
Selebrasaun refere hetan partisipasaun másimu hosi S.E. VPM, Adjunto Prokuradór Jerál, Vise Parlamentu Nasionál, Amu Lulik, Assesóra PN, Pontu fokál MKAE, liña Ministeriál sira, Orgaun AIFAESA, Assesóres, dirijente no funsionariu AIFAESA.
Média - ekipa SIP
SIP/AIFAESA.
Start typing your article content here...